Soñki bir qaç saat içinde İran arbiyleri İsrailge qarşı 100-den çoq darbe uçucısızını qullandı, dep bildirdi iyünniñ 13-nde saba brifingde İsrail mudafaa ordusınıñ spikeri brigada generalı Effi Defrin.
Onıñ aytqanına köre, İsrail mudafaa ordusı bu ava ücüm obyektlerini urıp tüşürmek içün çalışa. İrandan uçurılğan uçucısızlarğa İsrailge yetmek içün bir qaç saat kerek.
Bu brifingde spiker İsrail Arbiy ava quvetleri İranğa qarşı gece ücümini kerçekleştirmek içün 300-den ziyade silâ atqan 200-den ziyade uçaq qullandı, dep ayttı. Effi Defrin İsrail İrannıñ bir qaç yüksek rutbeli memurını, şu cümleden Baş ştab yolbaşçısı Mohammad Bageri, İslâm inqilâbı qaravul korpusınıñ komadanı Hosseyn Salami ve diger arbiy yolbaşçılarnı öldürdi.
İyünniñ 13-nde gece saat üçte İsrail İranğa ücüm etti. İsrail uçaqları Natang ve Fordoda uran zenginleştirilüvi müessiselerine, Kermanşah ve Horremabadda raketa bazaları darbe endirdi, Tehran, İsfahan, Tebriz ve diger büyük İran şeerleri de ücümge oğradı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
