Qırımda yarımadanıñ işğali devamında 61 adamnıñ ölümi tasdıqlandı. Olarnıñ çoqusı siyasiy repressiyalar, diskriminatsiya, terror ve polis zorbalığınıñ qurbanlarıdır. Qırımtatar resurs merkeziniñ malümatına köre, elâk olğanlarnıñ aman-aman yarısı qırımtatardır.
QRM malümatına köre, Qırımnıñ işğalinden soñ insanlarnıñ ğayıp olması, hırsızlanması ve öldürüvi muntazam şeyge çevirildi. Bugünki künde 61 insannıñ ölümi qayd etildi, olardan 29 qırımtatar halqınıñ vekilidir.
QRM qurbanlarnı şartlı olaraq 4 kategoriyağa böle:
- Siyasiy repressiyalarnıñ qurbanları (5, olardan 4-ü qırımtatar)
- Ayırım qurbanları (13, olardan 11-i qırımtatar)
- Terror qurbanları (30, olardan 8-i qırımtatar)
- Politsiyanıñ zorbalığınıñ qurbanları (13, olardan 6-sı qırımtatar).
Rusiye akimiyeti halqara añlaşmalarğa riayet etmey, dep qayd ete QRM. Halqara toplulıqqa insan aqlarınıñ bozuluvı aqqında malümat toqtamadan berilip tura.
"Qırımda tamır qırımtatar halqı ve Ukrayina tarafdarları olğan faallerge basqı ve qorquzuv usulı olaraq qullanılğan insanlarnıñ apiske alınuvını, tutulmasını, hırsızlanuvını ve öldürüvini takbih etemiz", — dep aytıla QRM-niñ beyanatında.
QRM-niñ bildirgenine köre, Qırımnıñ iğali devamında aq qoruyıcılar 399 mabüsni qayd etti, olardan 241-i qırımtatardır.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
