Qırımda iyünniñ 13-ne keçer gecesi bir çoq mesken yerde patlavlar eşitildi, dep haber ete yerli Telegram kanalları.
«Krımskiy veter» kanalı yazğanına köre, patlav sesleri Aqmescit, Kezlev, Aqyar, Saq, Novofedorovka, Kaça, Aluşta, Anğara, Bağçasaray rayonı ve Kefede eşitildi.
Rusiye Mudafaa nazirligi Qırım uçucısızlarnıñ ücümine oğradı, Rusiye Federatsiyasınıñ ava mudafaası yarımadada 70-ten çoq uçucısıznı tüşürdi, dep bildirdi. Müessise er angi tafsilât ya da isbat bermedi.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
