Rusiye arbiyleri iyünniñ 11-ne keçer gecesi Ukrayinağa 85 Shahed darbe uçucısızınen ve farqlı taqlit dronınen ücüm etti, bir qısmı Qırımdan uçurıldı. Ücümniñ esas yönelişleri Harkiv, Donetsk ve Odesa vilâyetleri edi, dep haber ete Ukrayina Silâlı quvetleriniñ Ava küçleri.
Berilgen malümatqa köre, ücüm Rusiyede Kursk, Orel, Millerovo, Primorsko-Ahtarsk ve Qırımda Çauda burnu ve Sarabuz qasabasından yapıldı.
«Saat 08:00-ge qadar ava mudafaası memleketniñ şarqı, cenübi, şimali ve merkezinde 49 Shahed uçucısızını yoq etti. 40 danesi ateş vastalarınen urıp tüşürildi, doquzı – coyuldı/radioelektron küreş vastalarınen bastırıldı», – dep aytıla haberde.
Ukrayina arbiyleri qayd etkenine köre, 14 yerde darbeler qayd etildi, eki yerde parçalar tüşti.
Rusiye arbiyleri Ukrayina regionlarına çeşit silâlarnen muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, tınç ealini öldürgenine, hastahaneler, mektepler, bala bağçaları, energetika ve suv teminlevi obyektlerini yoq etkenine red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
