ABD prezidenti Donald Trump Ukrayina ve Rusiyeden közü qaytqanını, barışıq añlaşmasını ise, onıñ fikirince, endi tizmek mümkün edi.
«Rusiyeden közüm qayttı. Amma Ukrayinadan da öyle. Çünki, mence, añlaşma tizile bilir edi. Biz ise aftadan beş ya da altı biñ insannı coyamız. Esasen askerlerni. Amma şeerlerde yaşağan insanlar da bar, çünki olarğa kene raketalarnen ücüm eteler – raketanıñ aqşam bu binağa tüşecegini bilse ediñiz, bu binada nasıl yaşar ediñiz? Böyle yaşamaq qorqunçtır», – dedi o, jurnalistlernen laf etip.
Trump añlaşma olmağanından da kederli olğanını tekrarlap, İndistan ve Pakistan, İsrail ile güzel bir iş olğanını qoştı.
ABD prezidenti mayısnıñ 28-nde Rusiye prezidenti Vladimir Putin Ukrayinadaki cenkni kerçekten bitirmege isteymi «eki aftadan soñ cevap berecek», dep aytqan edi.
Bundan soñ, iyünniñ 2-nde, Ukrayina ve Rusiye vekilleri İstanbuldaki muzakerelerde körüştiler. Ukrayina tarafı ateşkes ve yüksek seviyede körüşüvni teklif etti, belki, Trumpnıñ iştirakinen. Moskva red etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
