Ukrayina ve Rusiye esirlerni deñişüvniñ ekinci basamağını keçirdiler. Bunı Rusiye Mudafaa nazirligi ve Ukrayina prezidenti Volodımır Zelenskıy bildirdi.
İlk yaz ayınıñ 10-nda Rusiye esirliginden yaralı ve ağır yaralı arbiyler qayttı: Ukrayina Silâlı quvetleri, Milliy gvardiya, Devlet sıñır hızmeti ve Devlet mahsus naqliyat hızmetiniñ hızmetçileri.
"Olarnıñ episi acele tibbiy yardımğa muhtac. Bu müim bir gumanitar areket, — dep yazdı Zelenskıy. — Deñişmeler devam etmeli. Esir alınğan er bir insannı tapıp qaytarmaq içün elimizden kelgenini yapamız".
Ne qadar cenk esiri evge qaytqanı belli degil.
İlk yaz ayınıñ 9-nda Ukrayina ve Rusiye 25 yaşına qadar arbiy hızmetçilerini deñiştirdiler. Taraflardan iç biri asker sayısını aytmadı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
