Ukrayina prezidenti Volodımır Zelenskıy Sumı vilâyetinde Ukrayina Silâlı quvetleri Rusiye ordusını yavaş-yavaş çıqara, dep bildirdi.
«Bugün Sırskıynıñ maruzası oldı. Cebe – birinciden Pokrovsk yönelişi, Kursk operatsiyası, Sumı vilâyetiniñ sıñırı. Sumı vilâyetindeki bölüklerimiz işğalcini yavaş-yavaş çıqara», – dep ayttı o, video muracaatında.
Zelenskıy Ukrayina arbiylerine minnetdarlıq bildirdi.
Mayısnıñ başında Zelenskıy Rusiye Sumı vilâyeti yaqınlarında 50 000 arbiyden ziyadesini topladı, dep haber etti.
Sumı vilâyetiniñ arbiy memuriyet yolbaşçısı Oleg Ğrığorov mayısnıñ 26-nda Rusiye ordusı vilâyetniñ sıñırında dört mesken yerni kontrol ete, dep bildire.
Bundan evel, mayısnıñ 22-nde, Rusiye prezidenti Vladimir Putin Ukrayina ile sıñır boyunca «bufer alanı» aqqında ayttı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
