Sudaq kurort mevsimine azır degil eken (fotoresimler)

Servi alleyası –Sudaqta deñizge ketken merkeziy yaya yolu

Sudaqta Servi alleyasındaki obyektlerniñ çoqusı şimdilik qapalı

İşğalden evel boş yeri olmağan Servi alleyasındaki bazı büyük obyektler bile alâ daa kiracılarnı qıdıra, Sudaq, Qırım, 2025 senesi iyün ayı

Yalı kenarındaki meydanda ticaret noqtaları qoyuldı, şimdilik boş tura, Sudaq, Qırım

Yalı kenarındaki bala meydançığı yaz mevsimi arfesinde tamir etilmedi – qapalı tura, Sudaq, Qırım, 2025 senesi iyün ayı

Yalı kenarında quruğan tereçikler yerli akimiyetniñ baqmağanını köstere sanki, Sudaq, Qırım, 2025 senesi iyünniñ başı

Yalı kenarında uzun bir ticaret noqta sırası kiracısız tura

Sudaqnıñ merkeziy plâjı 2025 kurort mevsiminiñ açılış kününde

İş adamları obyektlerini aşıqmayıp tamir etmege devam ete, Sudaq, Qırım, 2025 senesi iyünniñ başı

Yerli turistik biznesniñ zayıf olğanını yalı kenarıdaki boş reklama yerleri köstere, Sudaq, Qırım, 2025 senesi iyün ayınıñ başı

Yalı kenarında ve umumen şeerde bir çoq reklama yeri «içtimaiy reklamanen» toldı, Sudaq, Qırım, 2025 senesi iyün ayınıñ başı

Yerli ülkeşınaslıq müzeyiniñ ilânı Rusiye arbiy-vatanperver mevzusınen tolu, Sudaq, Qırım, 2025 senesi iyünniñ başı

Çiberek fiyatları kene arttı, Sudaq, Qırım, 2025 senesi iyün ayınıñ başı

Baqılmağan köpekler şeer plâjında qala, Sudaq, Qırım, 2025 senesi iyün ayınıñ başı

Plâjda raatlanğanlar içün kölge yapqan perdeler qış fırtınasında nasıl yırtılğan olsa, öyle de tura, Sudaq, Qırım, 2025 senesi iyün ayınıñ başı

Eski gürci qavehanesiniñ yıqıntıları Sudaqnıñ merkeziy plâjını «yaraştıra»

Plâjdan suv ösümligini toplamaq kerek olğanını Sudaqnıñ yerli akimiyeti bilmeydir